Husilər tələblərini əldə etdilər, hökumət geri addım atdı
Posted on : Digər sahələr 10/16/2017 12:59:31 PM
Yeni hökumət qurulacaq
Ərdəbil Məhde Təşəyyo - ın “Rasthaber”-ə istinadən verdiyi xəbərə görə, Yəmən prezidenti tərəfindən qurulmuş xüsusi komitə ilə husilər arasında danışıqların birinci mərhələsi uğursuzluqla nəticələnmişdi. Husilər isə hökumət istefa edib, yeni hökumət qurulana və neftin qiymətinin aşağı salınana kimi etirazlara davam edəcəklərini bildirmişdilər. Yəmən hökuməti isə etirazlara sərt müdaxilə edəcəyini elan etmişdi.
Lakin komitə rəsmisi husilər ilə razılıq əldə etdiklərini bildirib. Belə ki, husilərin tələblərinə uyğun olaraq, yeni hökumətin qurulması və neftin qiymətinin aşağı salınması barədə müqavilə imzalanıb.
Yəmən prezidenti husiləri və digər siyasi qrupları yeni hökumətdə yer almağa çağırıb.