Tashaio.com xəbər verir ki, BMT baş katibi Antonio Quterresin epidemiyanın beynəlxalq sülhə və təhlükəsizliyə təhdid olması barədə xəbərdarlıqlarına və II Dünya müharibəsindən bəri davam edən ən ağır böhran adlandırmasına baxmayaraq, beynəlxalq sülh və təhlükəsizliyin qorunmasına cavabdeh olan BMT Təhlükəsizlik Şurası "Kovid-19"la bağlı uzun müddət heç bir addım atmayıb.

Qlobal əməkdaşlıq çağırışlarına baxmayaraq, bir çox məsələdə fikir ayrılıqlarının müşahidə edildiyi BMT Təhlükəsizlik Şurasında da epidemiya ilə bağlı fikir ayrılıqları ortaya çıxıb.

BMT TŞ-nin 10 seçilmiş müvəqqəti üzvü şuraya çağırılsa da, diplomatik mənbələr tənqid və ittihamların diqqət mərkəzində olmaqdan narahat olan Çinin toplanmaq fikrinə müsbət baxmadığını söyləyib.