Ordu sözçüsü: Səudiyyə rejiminin başçılıq etidyi koalisiya indiyədək Yəmənə 257 min hava zərbəsi endirib
Ordu sözçüsü: Səudiyyə rejiminin başçılıq etidyi koalisiya indiyədək Yəmənə 257 min hava zərbəsi endirib
Posted on : Digər sahələr 03/24/2020
Yəmən ordusunun sözçüsü Yəhya Səri Səudiyyə Ərəbistanın başçılıq etdiyi koalisiyanın Yəmənə təcavüzünün 5-ci ildönümü ilə bağlı mətbuat konfransı keçirib.
Tashaio.com “tasnimnews”a istinadla xəbər verir ki, Y.Səri Yəmən ordusunun Səudiyyə Ərəbistanının başçılıq etdiyi koalisiyaya lazımi müqavimət göstərdiyini bildirib. “Yəmən xalqı və müxtəlif qəbilələr lazimi addımlar ataraq Səudiyyə rejiminin təcavüzünün qarşısını almaqda orduya yardım etdi.”
O bildirib ki, Səudiyyə rejiminin başçılıq etidyi koalisiya 14 mart 2020-ci il tarixinədək Yəmənə 257 min hava zərbəsi endirib. “Yalnız son il koalisiya qüvvələri Yəmənə 6657 hava zərbəsi endirib və bunlardan 1225-i son 3 ayda baş verib. Bu təcavüz və hücumların nəticəsində minlərlə yəmənli həyatını itirib, on minlərlə insan yaralanıb. Yüzlərlə yaşayış və hökümət binaları, infrastruktur dağıdılıb. Milyonlarla yəmənli bir başa və ya dolasıyla Səudiyyə rejiminin hücumlarından ziyan görüb. Ölkə iqtisadiyyatına ciddi ziyan dəyib”.
Bu illər ərzində Yəmən ordusunun müdafiə imkanlarının artırıldığını, o cümlədən Hava Hücumundan Müdafiə (HHM) sistemlərinin təkmilləşdirildiyini bildirən Yəhya Səri, HHM sistemlərinin 721 dəfə düşmən təyyarə, vertolyot və dronlarına qarşı aktiv olduğunu və düşmənin 371 uçan obyektinin vurulduğunu açıqlayıb.
O deyib ki, hazırda yeni HHM sistemlərinin inkişaf etdirilməsi üzrə işlər davam etdirilir.
“Dəniz Qüvvələri də inkişaf etdirilib və düşmən qüvvələrinə qarşı 29 əməliyyat keçirilib. Yəmən sularını keçmək istəyən düşmən gəmi və qayıqlarının qarşısı alınıb.”
Y.Səri deyib ki, ordu qüvvələri və Yəmən xalq komitələri Səudiyyə rejiminin təcavüzünün ilk günündən indiyədək düşmənin 8487 tank, zirehli maşın və buldozerin məhv edib. Snayperlər koalisiya qüvvələrinə qarşı 1000-dən artıq əməliyyat həyata keçirib.
Yəmən ordusunun sözçüsü Y.Səri ötən beş il ərzində təcavüzkar koalisiya qüvvələri çoxlu itgi verib. “2015-ci ildən indiyədək koalisiya qüvvələrindən 10 mindən artıq əsgər və zabit öldürülüb. Belə ki, 4200 Səudiyyə Ərəbistanı ordusuna məxsus əsgər və zabit və 1240 BƏƏ hərbçisi öldürülüb. BƏƏ yalnız 120 zabitin öldürüldüyünü etiraf edib. Həmçinin Sudandan gətirilmiş muzdlu döyüşçülərin bu illər ərzində itkisi 8000 nəfərdən artıq olub.”
Bu illər ərzində 1067 dəfə ballistik raketlə düşmən mövqelərinin vurulduğunu və düşmən mövqelərinə 4116 uğurlu əməliyyatın keçirildiyini diqqətə çatdıran Y. Səri, düşmənin təcavüzü dayandırmadığı təqdirdə düşmənə zərbələrin davam edəcəyini bildirib.
Qeyd edək ki, Səudiyyə Ərəbistanı, ABŞ, BƏƏ və bir sıra digər ölkələrin dəstəyi ilə 2015-ci ilin mart ayında Yəmənə təcavüz edir və ona qurudan, dənizdən və havadan blokada tətbiq edir.
Səudiyyə Ərəbistanı və müttəfiqlərinin Yəməndəki hərbi əməliyyatları 16 mindən çox yəmənlinin ölümünə, on minlərlə insanın xəsarət almasına səbəb olub.
Səudiyyə Ərəbistanının hərbi işğalı son dərəcə kasıb olan ərəb ölkəsi Yəmən üçün həm də kəskin ərzaq və dərman qıtlığına səbəb olub.
