Tashaio.com Saharareporters-a istinadən xəbər verir ki, hadisə çərşənbə axşamı (21 yanvar) Nigeriya İslam Hərəkatının (İMN) tərəfdarları və üzvlərinin keçirdiyi dinc aksiyanı dağıtmaq üçün təhlükəsizlik qüvvələrinin həqiqi güllə və gözyaşardıcı qaz bombalarından istifadə edərkən baş verib.

Yerli şahidlərin sözlərinə görə, polis havaya atəş açıb və bir güllə etirazçıların birinin baş nahiyəsinə dəyib. Hücumda bir etirazçının da yaralandığı qeyd olunub.

Nigeriyanın prezidenti Muhammadu Buxari rejiminə qarşı şüarlar səsləndirən etirazçılar, Şeyx İbrahim Zəkzəkinin şəkillərini və ruhaninin həbsini pisləyən plakatlar qaldırmışdılar.

Bu arada, Şeyx Zəkzəkinin ofisi Tvitter səhifəsində belə bir bəyanat yayıb: Şeyx İbrahim Zəkzəkinin həyatı real təhlükədədir. Onun bədənində 43 güllə parçası var! Onun hələ də həyatda olması bir möcüzədir. Həbsxanadadır və həkimlərlə görüşünə icazə verilmir. Bir neçə insult, zəhərlənmə, böyrək çatışmazlığı, kor olma halı var”.