Tashaio.com Sputnik-ə istinadən xəbər verir ki, Səudiyyə rejiminin ABŞ-dakı fəaliyyətləriylə bağlı Konqres tərəfindən tələb edilən 29 avqust 2019-ci il tarixli hesabatda, belə qeyd olunub: “ABŞ-da ağır cinayətdə iştirak etmiş Səudiyyə rejiminin vətəndaşları demək olar ki, mütləq surətdə Ər-Riyad tərəfindən ABŞ-dan qaçırılır”.

Səudiyyə rejimi hökumətinin krallığın “eybini ört-basdır” etmək məqsədiylə belə bir üsula əl atdığı qeyd olunan hesabatda, belə yazılıb: “ABŞ hökuməti Səudiyyə rejimi ilə birbaşa bu mövzunu danışmasa və bu mövzuda əməkdaşlığı təmin etməsə, Səudiyyə rejiminin rəsmilərinin fəaliyyətlərini tezliklə bitirməsi ehtimalı azdır”.

Əksəriyyəti məxfi saxlanılan hesabatın ictimaiyyətə açıq hissəsində, Səudiyyə rejiminin rəsmilərinin vətəndaşlarını necə qaçırdıqları barədə məlumatlar verilməyib.