İran parlamentinin spikerinin beynəlxalq məsələlər üzrə xüsusi nümayəndəsi Hüseyn Əmir Abdullahian Twitter üzərindən İraqdakı son hadisələri qiymətləndirib.

Tashaio.com Mehrə istinadən xəbər verir ki, H.Ə.Abdullahian paylaşdığı tvitdə belə qeyd edib: “İllərdir İraqı qeyri-güvənli hala gətirməyə çalışan xarici düşmənlər indi də bu ölkədə başqa bir şəkildə sabitliyi pozmaq istəyirlər”.

“Düşmənlərə İraq xalqının qanuni tələblərini manipulyasiya etməyə icazə verilməməlidir. Şübhə yoxdur ki, İraqdakı son hadisələrin arxasında sionistlər və təkfirçi terrorizmin havadarları durur. İnşəAllah Ərbəinin bərəkəti sayəsində bu sui-qəsd də dağıdılacaq”, - deyə Abdullahian bildirib.

Xatırladaq ki, İraqın paytaxtı Bağdadda korrupsiya, işsizlik və kommunal xidmətlərin məhdudiyyəti səbəbindən başlayan aksiyalarda ölənlərin sayı 50-yə yüksəlib.