Blokadanı Yarmaq və Böyük Qayıdış Yürüşü aksiyaları davam etdirilən Qəzzanın şərqində senyabrın 27-si keçirilən 76-cı cümə aksiyalarına İsrail rejiminin qüvvələrinin atəş açması nəticəsində xeyli sayda insan yaralanıb.

Tashaio.com Palinfo-ya istinadən xəbər verir ki, Fələstin Səhiyyə Nazirliyi tibbi briqadaların 52 nəfərə ilkin yardım xidməti verdiyini, 27 nəfərin həqiqi gülləylə yaralandığını və 4 ilkin yardım işçisinin də sionist əsgərlərin açdığı atəşlə yaralandığını və 1 fələstinlinin şəhid olduğunu açıqlayıb.

Yerli mənbələrin verdiyi məlumata görə, sionist əsgərlər sərhəd xəttində hərbi müşahidə qüllələrindən və səngərlərin arxasından Qəzza şəhərinin şərqindəki Məlikə düşərgəsinin yaxınlığında yerləşən uşaqlara və gənclərə plastik güllələrlə atəş açıb və göz yaşardıcı bomba atıb.

Qəzza xalqı 30 mart 2018-ci ildən etibarən Böyük Qayıdış Yürüşü aksiyaları çərçivəsində Qəzza sərhədində aksiyalarını davam etdirir.