Zərif Pompeoya cavab verdi: Müharibə aktı, yoxsa müharibəyə təşviq?
Posted on : iran 09/19/2019
ABŞ prezidenti Donald Trampı Yaxın Şərqdəki müharibəyə cəlb etməyə çalışırlar.
FaktXeber.com-un məlumatına görə, bu barədə İranın xarici işlər naziri Məhəmməd Cavad Zərif özünün Tvitter səhifəsində bəyan edib.
Xatırladaq ki, ABŞ dövlət katibi Mayk Pompeo Səudiyyə Ərəbistanındakı neft obyektlərinə hücumda Tehranı ittiham edərək, bunu "müharibə aktı" adlandırmışdı.
""Müharibə aktı", yoxsa müharibəyə təşviq? "B qrupu"nun qalıqları Trampı müharibəyə cəlb etməyə çalışırlar. Öz xeyirləri üçün dua etməlidirlər ki, səy göstərdikləri şeyləri əldə etməsinlər”, deyə Zərif bildirib.
"Act of war"or AGITATION for WAR?
— Javad Zarif (@JZarif) September 19, 2019
Remnants of #B_Team (+ambitious allies) try to deceive @realdonaldtrump into war.
For their own sake, they should pray that they won't get what they seek.
They're still paying for much smaller #Yemen war they were too arrogant to end 4yrs ago.
Qeyd edək ki, "B qrupu" dedikdə Zərif ABŞ-ın keçmiş milli təhlükəsizlik müşaviri Con Boltonun, İsrail Baş naziri Benyamin Netanyahunun, Səudiyyə Ərəbistanının vəliəhd şahzadəsi Məhəmməd bin Salmanın və BƏƏ vəliəhd şahzadəsi Məhəmməd bin Zayed Al Nahyan kimi bir sıra siyasətçilərin "birləşməsini" nəzərdə tutur.
