FaktXeber.com-un verdiyi məlumata görə, bunu İran Xarici İşlər Nazirliyinin rəsmi nümayəndəsi Abbas Musəvi bəyan edib.

"Bu cür açıqlamalar yersiz və absurddur", -  deyə Musəvi mətbuat konfransı zamanı bildirib.

Xatırladaq ki, bundan əvvəl Respublikaçı senator Lindsi Qrehem Tehranın "təxribatlarını davam etdirəcəyi" təqdirdə İranın neft obyektlərinə hücum ehtimalını müzakirə etmək üçün səlahiyyətlilərə müraciət edib. Bu sözlər ABŞ Dövlət katibi Mayk Pompeonun Səudiyyə Ərəbistanının neft emalı zavoduna hücumlarda İranı günahlandırdıqdan sonra deyilib.

İran Xarici İşlər Nazirliyi Pompeonun ittihamlarını "yalan" adlandırdı.

Şənbə günü neft obyektlərinə hücumdan sonra ən böyük ixracatçı və üç ən böyük neft istehsalçısından biri olan Səudiyyə Ərəbistanı hasilatı gündəlik 9,8 milyon səviyyəsindən 5.7 milyon barelə qədər azaltdığını söyləmişdi.

Yəmənin Ənsarullah hərəkatının üzvləri hücumda məsuliyyəti öz üzərlərinə götürüblər. Buna rəğmən Pompeo, hücumun Yəməndən gəldiyinə dair heç bir dəlil olmadığını ifadə edərək, birbaşa İranı günahlandırdı.