Qüds Rəzəvi ostanının Ərbəin baş qərargahının rəhbəri və İmam Rza (ə) Kəramət Vəqfinin sədri Möhsün Mənsuri İmam Hüseyn (ə) müqəddəs ziyarətgahında olan zəvvarlara daha çox xidmət göstərilməsinə kömək etmək üçün İraqın Tehrandakı səfiri ilə görüşüb.

Tashaio.com Astan News-a istinadən xəbər verir ki, İraqın Tehrandakı səfirliyində baş tutan görüşdə, Möhsün Mənsuri Ərbəindəki İmam Hüseynin (ə) müqəddəs ziyarətgahının zəvvarlarına xidmət göstərmək, həmçinin ehtiyaclı zəvvarların müqəddəs ziyarətgahlara göndərmək məsələsində Qüds Rəzəvi ostanının fəaliyyət planlarını açıqlayıb. O, həmçinin qərargahın qarşıdakı Ərbəin mərasimi ilə bağlı planlarını izah edib.

İraq səfiri Səəd Cavad Qəndil də öz növbəsində, Ərbəin hərəkatının İran və İraq xalqları arasında dostluğun dərinləşməsindəki rolundan və təsirindən məmnun olduğunu bildirərək, İraq hökumətinin zəvvarlara edilən xidmətlərini asanlaşdırmağa hazır olduğunu bildirib.

Görüşün sonunda İraqın Tehrandakı səfirinə bəzi mübarək Rəzəvi hədiyyələri təqdim edilib.