Sionist İsrail rejimi əsgərlərinin Qəzzadakı Böyük Qayıdış Yürüşündə fələstinli nümayişçilərə açdığı atəş nəticəsində 1 nəfərin həyatını itirdiyi, 55 nəfərin yaralandığı bildirilib.

Tashaio.com "eastnews"a istinadla xəbər verir ki, bu barədə Qəzzadakı Səhiyyə Nazirliyi tərəfindən yazılı açıqlama verilib.

Açıqlamaya görə, öldürülən fələstinli gənc Əhməd əl-Karra (23) qarnından vurulub. Yaralananlar arasında 22 uşaq və 3 qadın var.

Digər tərəfdən İsrail əsgərlərinin bir təcili tibbi yardım maşınını da hədəfə aldığı vurğulanıb. Xatırladaq ki, fələstinlilər 30 martdan bu yana blokada altındakı Qəzza zolağının İsraillə sərhədində "Böyük Qayıdış Yürüşü" adı altında dinc aksiyalar keçirir.

İsrail əsgərləri isə "sürgün edildikləri torpaqlarına qayıtmağı və 2006-cı ildən bu yana Qəzzaya tətbiq olunan haqsız blokadanın götürülməsini" tələb edən dinc əhalinin üzərinə atəş açır.