İranın Atom Enerjisi Təşkilatındakı nümayəndəsi Bəhruz Kamalvəndi bəyan edib ki, ölkəsi nüvə proqramı mövzusunda bəzi öhdəlikləri yerinə yetirməyəcək. FaktXəbər bildirir ki, bu barədə "İSNA" məlumat yayıb.

Məlumata görə, söhbət uran ehtiyatları ilə bağlı İrana qoyulan limitdən gedir.

İran rəsmisi vurğulayıb ki, 27 iyundan sonra Tehran ölkədə 300 kq-dan artıq zənginləşdirilmiş uranın saxlanması hüququnu özündə saxlayır. Baxmayaraq ki, müqavilənin şərtlərinə əsasən, İran bu həcmi aşsa, artıq hissəni satmalı idi.

Buna qədər rəsmi Tehran nüvə proqramı ilə bağlı müqavilənin üzv ölkələrinə öhdəliklərin bir hissəsinin yerinə yetirilməsinin dayandırılması barədə məktublar göndərmişdi.