İranlı mütəxəssislərin əməyi ilə hazırlanmış və istehsalı reallaşdırılan “15 Xordad” havadan müdafiə sistemi Tehranda təşkil olunan mərasimdə nümayiş olunub.

Tashaio.com İRNA-ya istinadən xəbər verir ki, müdafiə naziri general Əmir Xatəmi iyunun 9-u keçirilən mərasimdə çıxış edərək, 15 Xordad havadan müdafiə sisteminin düşmənin döyüş təyyarələrini və PUA-larını 150 kilometr məsafədən aşkar edə bildiyini və 120 kilometr məsafəyə yaxınlaşanda hədəfi dəqiq olaraq məhv etdiyini qeyd edib.

General Xatəmi 15 Xordad havadan müdafiə sisteminin, həmçinin radarlara tutulmayan uçan obyektləri də 85 kilometr məsafədən təsbit etdiyini və 45 kilometrlik məsafəyə daxil olanda hədəfə alaraq, məhv etdiyini vurğulayıb: “Bu sistemin bir başqa özünəməxsus xüsusiyyəti isə, hədəfləri eyni vaxtda tutmaq qabiliyyətidir. 15 Xordad havadan müdafiə sistemi eyni vaxtda 6 hədəfi tutaraq, altı hədəfin hər birinə atəş aça və məhv edə bilir”.