Suriya ordusu Hamada dünən (6 iyun) itirdiyi əraziləri geri almaq üçün əməliyyata başlayaraq, Kəfr Hud qəsəbəsi və Təl Milə yüksəkliyində yenidən nəzarəti təmin etməyi bacarıb.

Tashaio.com SANA-ya istinadən xəbər verir ki, suriyalı mənbənin verdiyi məlumata görə, Suriya ordusu bölgəyə əlavə qüvvələr gətirib və dünən itirilən ərazilər azad edilənə qədər əməliyyat davam edəcək.

Əl-Qaidənin Suriyadakı qolu olan Heyət Təhrir Əş-Şam terror təşkilatı dünən həyata keçirdiyi hücumdan sonra Kəfr Hud, Tel Milə və Cibini ələ keçirmişdi.

Yaraqlıların hücumundan sonra Rusiya və Suriya hava qüvvələri bölgədə geniş hava hücumları həyata keçirdi.

Al-Masdar News-un xəbərinə əsasən, dünən baş verən qarşıdurmada Suriya ordusu 30-dan artıq itki vermişdi.