İranın xarici işlər naziri Məhəmməd Cavad Zərif ABŞ donanmasına aid gəmilərin İrana yaxınlaşdıqları üçün Tehranın gəmilərində istənilən növ raketi yerləşdirmək haqqının olduğunu bildirib.

Tashaio.com xəbər verir ki, Məhəmməd Cavad Zərif Amerikanın ABC telekanalına verdiyi açıqlamasında bunları deyib: “Buranı Bəsrə körfəzi adlandırırsınız, düz yanımızda yerləşir və bizim özümüzü müdafiə etmək haqqımız var. Hələ bir düşünün, İran (gəmiləri) Kaliforniya və ya Florida sahillərinə gəlsəydi, nələr olardı, buna necə reaksiya verərdiniz? Özünüzü necə hiss edərdiniz?”.

Xatırladaq ki, İranın ordusunun hərbi müşaviri general Mürtəza Qurbani də Körfəz bölgəsinə göndərilən ABŞ hərbi gəmilərinin gizli silahlar vasitəsiylə batırıla biləcəyini söyləmişdi: “ABŞ regiona iki hərbi gəmi göndərib. Əgər bu gəmilər ən kiçik bir axmaqlıq edərsə, iki raket və ya iki gizli yeni silah istifadə edərək, onları heyətləri və üzərindəki təyyarələrlə birlikdə dənizin dibinə göndərəcəyik”.