Məlum olduğu kimi  Tel-Əvivdə (İsrail)  "Eurovision-2019" mahnı müsabiqəsi keçirilir.

Buna etiraz olaraq İsrailin ultraortodoks dindarları aksiya keçirib.

Tashaio.com İsrail mediasına istinadən xəbər verir ki, Qüdsdə şənbə günü keçirilən aksiyada 2 polis yaralanıb, 6 yəhudi dindar isə saxlanılıb.

Onlar Eurovision yarışlarının "müqəddəs şənbə" gününə hörmətsizlik olduğunu bildiriblər.

Bundan öncə İsrailin baş ravvini David Lau yəhudiləri 17 mayda şənbə şamlarını şabbatın (iş görülməsi haram olan,  yəhudilərin müqəddəs şənbə və istirahət günü adlandırdığı termin) 10 dəqiqə girməsinə qalmış  yandırmağa səsləmiş, şabbatın bitməsindən daha 10 dəqiqə artıq bir iş görməməyə çağırmışdı. O bu əməli şənbəyə hörmətsizlik günahının yuyulması üçün edilməsini vacib adlandırmışdı.