İsrail qüvvələri Fələstində 500-dən çox zeytun ağacını məhv edib
Posted on : Digər sahələr 02/12/2019
İşğalçı İsrail rejim qüvvələri dünən Fələstinin İordan dərəsi bölgəsində yerli fermerlərə məxsus yüzlərlə zeytun ağacını kökündən qopardaraq məhv edib.
İşğalçı İsrail rejim qüvvələri dünən Fələstinin İordan dərəsi bölgəsində yerli fermerlərə məxsus yüzlərlə zeytun ağacını kökündən qopardaraq məhv edib.
Tashaio.com "Felestin.info"-a istinadla xəbər verir ki, bu barədə İordan dərəsinin Tubas rayonu üzrə yəhudi məskənlərinin fəaliyyətinə nəzarət edən komitə rəsmisi Mötəz Bəşərat məlumat verib.
Onun sözlərinə görə, İsrailin Mülki Administrasiya idarəsinin əməkdaşları Bərdala kəndinə hücum edərək gətirdikləri buldozerlərlə zeytun ağaclarını məhv etməyə başlayıblar. Komitə rəsmisi bildirib ki, ümumilikdə 520-dən çox zeytun ağacı kökündən qoparılıb və kəsilib.
Məlumata görə, məhv edilmiş ağaclar 15 il öncə əkilibmiş. Bu ağaclar beş Fələstin vətəndaşına məxsus olub.
Bildirək ki, İordan dərəsi işğal altındakı İordan çayının qərb sahilinin üçdəbirini təşkil edir. Bu bölgənin 88 faizi C zonasına daxildir və İsrailin tam hərbi nəzarəti altındadır.
