İsrail təyyarələri Qəzzaya aviazərbə endirib – Yaralananlar var
Posted on : Digər sahələr 01/07/2019
İsrailin Hərbi hava Qüvvələrinin təyyarələri ötən gün axşam saatlarında Qəzzada iki yerə hava zərbəsi endirib.
“Tashaio.com” əl-Məyadinə istinadla xəbər verir ki, İsrail mənbələri bu hava zərbələrinin Qəzzanın şimalında HƏMAS-ın mövelərinə endirildiyini bildiriblər.
İsrail mənbələri bu hava zərbələrinin Qəzzadan Əsqəlan şəhərində atılan raketə cavab olaraq endirildiyini deyiblər.
Fələstin mənbələri isə bildirib ki, İsrail təyyarələri Qəzzada Xan-Yunis şəhərinin şərqində HƏMAS-ın gözətçi mövqelərini iki raketlə hədəfə alıb. Burada bir neçə nəfərin yaralandığı deyilir.
Qeyd edək ki, İsrail Qəzzanı 1967-də işğal etsə də 2005-ci ildə buranı tam şəkildə tərk etməli olub. Lakin 2007-ci ildən Qəzzada HƏMAS hakimiyyətə gəldikdən sonra indiyədək bölgə İsrailin hava quru və sudan mühasirəsindədir.