Suriyadan çəkilən bir ABŞ hərbi karvanının Deyr əz-Zorun şərqindən yola çıxaraq Şimali İraqa tərəf getdiyi bildirilib.

Tashaio.com xəbər verir ki, Deyr əz-Zor Mədəni Şurası adlı bir təşkilat amerikalı əsgərlərdən ibarət olan bir karvanın Suriyadan çəkildiyini bildirib.

Sözügedən təşkilatdan bir qaynaq, 100-ə qədər yük maşını və zirehli avtomobildən ibarət olan ABŞ karvanının Suriyadan çıxdıqdan sonra Şimali İraqa yönəldiyini ifadə edib.

Qaynaq YPG təşkilatına bağlı milislərə istinadən Amerika hərbi karvanının Simalka yoluna doğru irəlilədiyini və oradan da Şimali İraqa doğru yoluna davam etdiyini qeyd edib.