İraq xarici işlər naziri Məhəmməd Əli Həkim Bağdad rəhbərliyinin Amerikanın İran İslam Respublikasına tətbiq etdiyi birtərəfli sanksiyalara tabe olmağa borclu olmadığını açıqlayıb.

Tashaio.com xəbər verir ki, iraqlı nazir Həkim jurnalistlərə verdiyi açıqlamada bir daha ölkəsinin ABŞ-ın İrana tətbiq etdiyi birtərəfli sanksiyalara tabe olmağa borclu olmadığını bildirib.

Nazir Həkim sözügedən sanksiyalar və ya təzyiqlərin hamısının beynəlxalq qərar olmadığını və tamamilə birtərəfli qəbul edilən qərarlar olduğunu, İraqın bu təzyiqlərə bağlı qalmaq məcburiyyətində olmadığını qeyd edib.

M.A. Həkim həmçinin İran ilə kommersiya kanallarını açıq tutmaq üçün bəzi mümkün metodların üzərində çalışdıqlarını da sözlərinə əlavə edib.