O bu haqda BBC müxbirinə verdiyi müsahibəsində söyləyib:

"Terrora dəstək verən ölkələrlə bir koalisiyada ola bilmərik, çünki biz terrorizmlə mübarizə aparırıq. Koalisiyadakı ölkələrdən biri də Türkiyədir. Bu ölkə Suriyadakı terror təşkilatlarına dəstək verir.

ABŞ-a aid döyüş təyyarələrinin Suriya səmasından istifadə edərək terrorçulara zərbə endirməsi planları haqda məlumatlar bizə İraq kimi 3-cü ölkədən çatdırılır. Birbaşa ABŞ-la əməkdaşlığımız yoxdur.

İŞİD və Əl-Qaidə kimi terror qrupları Səudiyyə Ərəbistanının vəhabi ideologiyasından qaynaqlanır."

Müxbirin, "Siz Suriyanın bir çox bölgələrinə nəzarəti itirdiniz. İŞİD çox irəlilədi, 200 min insan öldü və milyonlarla ölkə vətəndaşı qaçqın düşdü. Suriya bacarıqsız bir dövlətdirmi?,"-sualına Əsəd belə cavab verdi:

"Hökumət və dövlət qurumlarının Suriya xalqı qarşısında vəzifələrinə əməl etdiyi bir vaxtda bacarıqsızlıqdan söhbət gedə bilməz."

Prezident daha sonra Suriya ordusunun barrel bombalarında istifadə etmək faktını təkzib edərək," ordunun fəaliyyətlərindən xəbərim var. Onlar müxtəlif çaplı güllə, mərmi və raketlərdən istifadə edir. Lakin onların barrel bombasından istifadə etmələrini eşitməmişəm," -deyə qeyd edib.