Tashaio.com-un RİA-ya istiandən verdiyi xəbərə əsasən, Türkiyənin xarici işlər naziri Mövlud Çavuşoğlu bəyan edib ki, Bəşər Əsəd yenidən Suriyadakı seçkilərdə prezident seçiləcəyi halda, Türkiyə onunla əməkdaşlıq imkanlarını gözdən keçirəcək.

“Biz ölkəni (Suriyanı) seçkilərə hazırlamalıyıq. Seçkilər BMT himayəsi ilə keçirilməlidir, seçkilər ümumxalq, şəffaf, demokratik və ədalətli olmalıdır... Əgər bu, demokratik və etibara layiq seçkilər olsa, hər kəs bu fürsəti gözdən keçirməlidir.”, - deyə Çavuşoğlu “Əsəd yenidə seçilərsə, Türkiyə onunla əməkdaşlıq edəcəkmi?” sualının cavabında bildirib.

O əlavə edib ki, Türkiyə “başqalarının suriyalıların adından konstitusiya yazmasının əleyhinədir”. “Gəlin onlara öz konstitusiyalarını yazmağa imkan verək. Əgər onlara hər hansısa yardım lazımdırsa... biz bu yardımı təqdim edə bilərik, lakin onlar öz konstitusiyalarını yazmalıdırlar.”, - deyə Çavuşoğlu əlavə edib.