Ruhani: OPEK-in qərarı ABŞ-ın planlarını puç etdi
Posted on : iran 12/10/2018
İran prezidenti OPEK-in hasilatla bağlı qərarını şərh edib.
Tashaio.com-un IRNA-ya istinadən verdiyi xəbərə əsasən, İran prezidenti Həsən Ruhani bəyan edib ki, OPEK-in neft hasilatının azaldılmasına dair qərarı ABŞ-ın müdaxilə siyasətinin iflası oldu.
“ABŞ-ın OPEK-in işlərinə müdaxilə etmə və balansı pozma cəhdlərinə baxmayaraq, üzv-ölkələrin müqaviməti və (İranın) neft nazirinin sayəsində onların planları puç oldu.”, - deyə Ruhani qeyd edib.
Xatırladaq ki, cümə günü OPEK+ razılığına bütün üzv-ölkələrin nazirlərinin görüşünün yekununda neft hasilatının azaldılması haqda qərar qəbul edilib. Qərar 2019-cu ilin yanvar ayından qüvvəyə minəcək.
Qeyd edək ki, ABŞ dövlət katibinin energetika üzrə yardımçısının müavini Sandra Vudkirk bəyan etmişdi ki, rəsmi Vaşintqon azad bazara dair istənilən məhdudiyyətə, o cümlədən də OPEK neft qərarına mənfi yanaşır.