Yəmənin Ali İnqilab Komitəsinin sədri Məhəmməd Əli Əl-Husi BMT Təhlükəsizlik Şurasının Yəmən mövzusundakı iclasına reaksiya verib.

Tashaio.com Əl-Məsirəyə istinadən xəbər verir ki, Twitter-dən BMT Təhlükəsizlik Şurasına müraciət edən Məhəmməd Əli Əl-Husi, belə qeyd edib: “Səudiyyəli müxalif jurnalist Camal Qaşıqçının cəsədini tapa bilmədiyiniz müddətəcən, Səudiyyə rejiminin qəsdən başladığı müharibəni, xüsusilə aclıq ilə düşmənçiliyini dayandıra bilməzsiniz.

Əl-Husi tvitinin davamında bunları qeyd edib: “Səudiyyə rejiminin rəhbərlik etdiyi koalisiya qüvvələrinin davranışları yeni bir müharibəyə hazırlaşdıqlarını göstərir”.

Yəmənin Ali İnqilab Komitəsinin sədri növbəti tvitində isə bunu qeyd edib: “BMT Yəmən üzrə xüsusi nümayəndəsi Martin Qriffitsin çıxışı ilə paralel olaraq Səudiyyə rejiminin Hudeydaya qarşı hücumları davam edir”.