Qəzza zolağında sionust İsrail rejiminin hərbçilərinin zərbələri nəticəsində azı 50 fələstinli yaralandı Eastnews.org-un verdiyi xəbərə görə, bu gün İsrail rejimi hərbçiləri Qəzza zolağı ilə sərhəd ərazidə etiraz aksiyası keçirən izdihama qarşı növbəti dəfə güc tətbiq edib.   

Məlumata əsasən, işğalçı rejim hərbçilərinin hücumu nəticəsində "Böyük Qayıdış Yürüşü" aksiyası iştirakçılarından 52 nəfəri yaralanıb.     

Yerli vaxtla 17:30 -a olan infirmasiyaya əsasən, 52 nəfər yaralanıb. Yaralananlar arasında 72 yaşlı jurnalist briqadasının üzvü olan qadının da olduğu diqqətə çatdırılır.   

İsrail rejimi hərbçiləri hava şarları buraxan fələstinlilərə pilotsuz uçan aparatlar vasitəsilə zərbə endirdiklərini bəyan ediblər. 

Xatırladaq ki, "Böyük Qayıdış Yürüşü" etiraz aksiyası bu ilin mart ayından davam edir. Etiraz aksiyaları zamanı yüzlərlə fələstinli həyatını itirib, minlərləsi isə yaralanıb.