İranın Xarici İşlər Nazirliyinin mətbuat katibi Bəhram Qasımi Amerikanın yeni sanksiyalarını Vaşinqtonun İran xalqına qarşı kor kin və nifrətindən qaynaqlandığını açıqlayıb.

Tashaio.com xəbər verir ki, Bəhram Qasımi Amerikanın bəzi İran firmalarının adını sanksiya siyahısına salmasına etiraz edib.

Qasımi ABŞ Xəzinə Nazirliyinin bu qərarının İrana qarşı apardığı psixoloji müharibənin davamı və beynəlxalq hüquq və qanunlara açıq hörmətsizlik və təhqir olduğunu bildirib.

Sanksiyaların İran xalqına qarşı kor kin və nifrətin məhsulu olduğunu bildirən İran XİN rəsmisi üstəlik, Amerika rəhbərliyinin İran xalqını dəstəklədiyi formasında saxtakarca iddialara baxmayaraq bu sanksiyaların tətbiq etdiyini ifadə edib.