Kərbəlada Ərbəin zəvvarlarına 10 min mokib xidmət göstərəcək
Posted on :
Aşura
10/16/2018
Ərbəin zəvvarlarına xidmət göstərmək üçün 10 min mokib və xidmət qrupu Kərbəla şəhər polisində qeydiyyatdan keçib.
Ərbəin zəvvarlarına xidmət göstərmək üçün 10 min mokib və xidmət qrupu Kərbəla şəhər polisində qeydiyyatdan keçib.
Tashaio.com “ABNA”-a istinadən xəbər verir ki, bunu Kərbəla əyalət başçısı Əqil əl-Turəihi deyib.
Onun sözlərinə görə, Kərbəlada 12 min nəfər və 10 min mokib zəvvarlara xidmət göstərəcək.
Ə.əl-Turəihi deyib ki, Kərbəla şəhərindən kənar və şəhərin daxilində Ərbəin zəvvarlarının təhlükəsizliyini təmin etmək üçün könüllü qruplar və təhlükəsizlik qüvvələri birgə əməkdaşlıq edəcək. “Kərbəla istiqamətində bütün yollara pilotsuz təyyarələrlə nəzarət ediləcək. Təhlükəsizlik tədbirləri görülüb və bu tədbirlər davam etdirilir.”
Məlumata görə, zəvvarlara xidmət göstərəcək mokib və xidmət qrupları Kərbəla əyaləti üzrə polis və təhlükəsizlik qüvvələrinin hazırladığı xüsusi təlimatları yerinə yetirməli və təhlükəsizliyin təmini üçün təhlükəsizlik qüvvələri ilə əməkdaşlıq etməlidir.