Həzrət Əbülfəzl Abbasın (ə) mütəhhər hərəmi hər il olduğu kimi, bu ildə də Ərbəin mövsümünün başlanmasını Nəcəf və Kərbəla yolu üzərində keçirilən xüsusi mərasimlə elan edib.

Tashaio.com Al-Kafeel-ə istinadən xəbər verir ki, Nəcəf və Kərbəladakı ziyarətgahların himayədarları, böyük İslam alimləri, dövlət rəsmiləri, qəbilə başçıları və vətəndaşların iştirakı ilə keçirilən xüsusi mərasim, İraq dövlət himninin ifası və Qurani-Kərimdən ayələrin tilavəti ilə başlayıb.

Mərasimdə çıxış edənlər Nəcəf və Kərbəla şəhərlərinin Ərbəin zəvvarlarını qəbul etməyə hazır olduğunu bildiriblər.

Daha sonra Ərbəin mövsümünün başlanması əlaməti kimi 40 metrlik bir dirəkdə, eni 13, uzunluğu 17 metr olan İmam Hüseynin (ə) matəm bayrağı qaldırılıb.