Tashaio.com-un “ParsToday”-ə istinadən verdiyi xəbərə əsasən, İran ordusunun baş komandanı, diviziya generalı Əbdül Rəhim Musəvi düşmənlərin indiyədək İranın mesajına diqqətlə qulaq verməli olduğunu qeyd edərək bildirib ki, “İran Silahlı Qüvvələri düşmənin istənilən təhdidinə daha sarsıdıcı cavab verəcək”.

Bu yaxınlarda Əhvaz şəhərində hərbi paradda törədilmiş terror aktına toxunan general deyib ki, “İran əhalisinin təhlükəsizliyi, namusu və iftixarı Silahlı Qüvvələrimiz üçün qırmızı xətdir”.

Düşmənlərin İran ordusunun səbrinə sevinməməli olduğunu deyən Musəvi qeyd edib ki, İran “lazımi vaxt və yerdə bütün düşmənlərə sarsıcıdı cavab verə biləcəyinə əmindir”.

Xatırladaq ki, İran Əhvazdakı terror aktından sonra Suriya ərazisində terrorçulara qarşı xüsusi əməliyyat keçirib.