Tashaio.com-un “Islam Today”-ə istinadən verdiyi xəbərə əsasən, İranda möcüzə kimi hadisə baş verib. Həkimlərin öldüyünü təsdiq etdiyi körpə morqda “dirilib”.

Hadisə ölkənin qərbində yerləşən Urmiya şəhərində baş verib. Həkimlər 6 aylıq uşağı müayinə etdikdən və onda həyata dair heç bir əlamət aşkarlamadıqdan sonra onun öldüyünü təsdiq ediblər.

Cəsəd morqa göndərilib, lakin orada ölünün yuyulması zamanı məlum olub ki, uşaq əslində sağ imiş. Baş vermiş hadisə uşağın valideynlərini sarsıdıb.

“Hadisədən sarsılmış valideynlər möcüzəyə görə (Tanrıya) minnətdardırlar”, - deyə şəhərin dəfn xidmətinin başçısı Əmir Abbas Abedini qeyd edib.