Tashaio.com-un “Hürriyet”-ə istinadən verdiyi xəbərə əsasən, Türkiyə prezidenti Rəcəb Tayyib Ərdoğan BMT Təhlükəsizlik Şurasını (TŞ) yenidən formalaşdırmağı zəruri hesab edir. Bu haqda o, BMT Baş Assambleyasında iştirak üçün etdiyi Nyu-York səfəri zamanı bildirib.

“194 ölkə içərisindən 5 ölkə bütün dünyanın yerinə hökm verə bilməz”, - deyə o bildirib.

Onun sözlərinə görə, yalnız TŞ-in daimi üzvlərinin sayının çoxalacağı halda BMT ədalətli fəaliyyət göstərə bilər.

Ərdoğan həmçinin qeyd edib ki, ümumdünya təşkilatı mövcud münaqişələri, məxsusən də Suriya münaqişəsini həll etmək qabiliyyətində deyil.