Tramp: Avropa İttifaqı bizim düşmənimizdir!
Posted on : Digər sahələr 04/25/1397
ABŞ prezidenti Avropa İttifaqını Rusiya və Çinlə bir tutub.
Tashaio.com-un “ParsToday”-ə istinadən verdiyi xəbərə əsasən, ABŞ prezidenti öz bəyanatında Avropa İttifaqını “düşmən” adlandırıb.
Daha öncə NATO-nu da tənqid atəşinə tutmuş Tramp Avropa İttifaqını (Aİ) ticarət sahəsində ABŞ-dan sui-istifadə etməkdə ittiham edib.
Ağ Ev başçısı Aİ-ni Rusiya və Çinlə birlikdə tərəzinin bir gözünə qoyaraq deyib: “Rusiya bəzi aspektlərdə düşməndir. Çin iqtisadi planda düşməndir. Amma Aİ birmənalı olaraq ABŞ-ın düşmənidir.”
Tramp bildirib ki, Aİ-nin NATO-ya üzv bir çox ölkələri heç bir xərc etmir. O, bundan sonra Almaniyanı yenidən tənqid edib.
Tramp Almaniyanın enerji ilə təmin edilməsi üçün Rusiyanın həyata keçirdiyi “Şimal Axını - 2” qaz kəməri layihəsinə toxunaraq bildirib: “Berlinin Rusiyaya “milyardlarla milyard” sərmayə yatırması və eyni zamanda da ABŞ-dan Almaniyanı Rusiyadan qorumağı xahiş etməsi gülüncdür və Berlinin Moskva qarşısında təslimiyyətinin nişanəsidir.”