Nigeriya xalqı paytaxt Abucada Şeyx İbrahim Zəkzəkinin azadlığa buraxılması üçün aksiya keçirib.

Maide.Az "deyerler.org"a istinadən xəbər verir ki, nigeriyalılar paytaxt Abuca küçələrində növbəti dinc nümayişlərini keçirərək, ölkədə Əhli-Beyt (ə) ardıcıllarının rəhbəri Şeyx Zəkzəkinin qanunsuz mühakiməsini qınayıblar.

Etiraz aksiyaları Nigeriyanın Kaduna əyalət məhkəməsinin Şeyx Zəkzəkinin mühakimə olunmasını təxirə salaraq, 11 iyula təyin etməsi səbəbilə başlayıb. Şeyx Zəkzəkinin qanusuz həbs edilməsindən sonra, Nigeriya ordusunun nümayişçilərə atəş açması nəticəsində indiyə qədər 42 nəfər həlak olub və xeyli sayda nümayişçi də həbs olunub.

Xatırladaq ki, Nigeriya məhkəməsi 2016-cı ilin sonlarında Şeyx Zəkzəkinin azadlığa buraxılmasına qərar verib, ancaq Şeyx Zəkzəki hələ də Nigeriya hökuməti tərəfindən həbsdə saxlanılır.