İran ballistik raketlərin inkişaf etdirilməsi haqda mühüm açıqlama verib
Posted on : iran 06/19/2018
“Raketlərin uçma məsafəsinin artırılması üçün elmi və nəzəri biliklərə malikik. Amma indi bizim siyasətimiz bu raketlərin vurma məsafəsinin 2 mindən çox artırılması deyil.”
İslaminSesi.info İRNA-a istinadla xəbər verir ki, bunu İran İslam İnqilabı Keşikçilər Korpusunun baş komandanı Məhəmməd Əli Cəfəri deyib.
Bu gün İranda keçirilən simpozumların birində çıxışı zamanı Sepah komandanı bildirib ki, ölkəsi ballistik raketlərin uçuş məsafəsinin 2 mindən çox artırılmasını məqsəd kimi nəzərdə tutumayıb.
“Raketlərin uçma məsafəsinin artırılması üçün elmi və nəzəri biliklərə malikik. Amma indi bizim siyasətimiz bu raketlərin vurma məsafəsinin 2 mindən çoxa artırılması deyil. Çünki hədəflərin çoxu 2 min km radiusda yerləşir. Elə bu uçuş məsafəsi İran İslam Respublikasının təhlükəsizliyini təmin edir.” deyə Sepah generalı ballistik raketlər proqramında digər mühüm hədəflərin nəzərdə tutulduğunu bildirib.