Allah Təalanın bərəkət dolu ayı artıq sona çatıb bizdən ayrılmağa yaxınlaşır.

Hədislərdə və mötəbər mənbələrdə bu ayın hər günü üçün xüsusi dualar, hər gecəsi üçün xüsusi namazlar tövsiyə olunub.

28-ci gecə üçün tövsiyə olunmuş namaz:

Altı rəkət namazdır. Hər rəkətdə “Fatihə” surəsindən sonra 100 dəfə “Ayətəl-kursi”, 100 dəfə “İxlas” və 100 dəfə “Kövsər” surəsi oxunmalıdır.

Qeyd - “Məfatihul-cinan” kitabının müəllifi Şeyx Abbas Qumi öz qeydlərində yazır ki, mən araşdırmalarımda deyilən 100 dəfələrin yerinə 10 dəfə deyilməsini tapdım və bu cür daha münasibdir.

Xatırladaq ki, müstəhəb namazlar 2 rəkət-2 rəkət qılınır. Məsələn 8 rəkət deyildikdə 4 ədəd 2 rəkətli namaz nəzərdə tutulur.

Həmçinin hicri təqvimi ilə yeni gün məğrib azanı ilə başlayır. Yəni 27-ci gün şam azanı verilməklə həmin gün bitir və 28-ci günün gecəsi başlayır. Gecə gündüzdən əvvəldə gəlir. Məğrib azanı verilməklə gün bitir və  yeni gün başlayır.

Yaşar Nuriyev / İslaminSesi.info