ABŞ Dövlət Departamenti 2017-ci il üçün illik "Dini Azadlıqlar" hesabatında bir daha İrana qarşı əsassız ittihamlarını təkrar edərək, İranı dini azadlıqları pozmaqda ittiham edib.

İran İslam Respublikası Xarici İşlər Nazirliyinin sözçüsü Bəhram Qasemi deyib: ABŞ hökuməti bəzi ölkələrdəki dini çeşidlilikdən siyasi məqsədlər üçün istifadə etməyə çalışır. Buna görə də ABŞ hökuməti ölkələrin daxili vəziyyəti xüsusilə dini və etnik cəmiyyətlərin vəziyyəti ilə bağlı dəqiq və reallığı əks etdirən araşdırma aparmağa belə ehtiyac duymur.

Qasemi  zəngin mədəniyyətə və sivilizasiyaya malik olan İran xalqının min illərdir ki, bütün etnik və dini qruplar ilə dinc yanaşı və qardaşcasına yaşadığını deyərək, əlavə edib: İslam İnqilabının qələbə çalmasından sonrada bütün dinlərin davamçıları konstitusiya əsasında və qanun çərçivəsində öz dini mərasimlərini ölkə səviyyəsində azad şəkildə yerinə yetirirlər və İran İslam Respublikası qanunları bu azadlıqları himayə edir.