Azərbaycan Respublikasında 8-ci prezident seçkiləri bu gün çərşənbə günü səhər başlayıb.

İRİB-in Bakıdan verdiyi məlumata görə, Azərbaycan Respublikası Mərkəzi Seçki Komissiyasının sədri Məzahir Pənahov deyib: Bu seçkilərdə səs vermək üçün təxminən 5 milyon 300 min 15 min seçici üçün 5641 səsvermə məntəqəsi nəzərdə tutulub. 41 səsvermə məntəqəsi ölkədən kənardadır.

Məzahir Pənahov deyib: Seçki namizədlərinin sayı da 8 nəfərdir. Bir müstəqil, 6 siyasi partiya və öz təşəbbüsü ilə namizədliyini irəli sürmüş 1 namizəd vardır.

Azərbaycan Mərkəzi Seçki Komissiyasının bildirdiyinə görə, beynəlxalq dairələr, o cümlədən Avropada Təhlükəsizlik və Əməkdaşlıq Təşkilatı, İslam Əməkdaşlıq Təşkilatından 900 müşahidəçi və 59 ölkədən nümayəndə seçkilərin keçirilməsi prosesinə nəzarət edir.

Xarici müşahidəçilərdən əlavə 59 min yerli müşahidəçi də prezident seçkilərinə nəzarət edir.

Azərbaycan Respublikasının 8-ci prezident seçkilərinin xəbərlərini əks etdirmək üçün 51 xarici mediadan 118 nümayəndə Mərkəzi Seçki Komissiyasında qeydiyyata alınıb.

Seçkilər Azərbaycan Respublikası vaxtı ilə çərşənbə günü saat 19:00-dək davam edəcək.