Türkiyədə Hərbi Dəniz Qüvvələrinin  65 zabiti 2016-cı ildə dövlət çevrilişinə cəhddə təqsirli bilinərək ömürlük həbsə məhkum olublar. FaktXeber.com-un Milliyet-ə istinadla məlumatına görə, onlardan 47-si  ağır rejimli cəzaçəkmə koloniyasında, 18-i isə ümumi rejimli koloniyada cəzalarını çəkəcəklər.

Xatırladaq ki, 2016-cı ilin iyul ayının 15-də  Türkiyədə bir qrup hərbçi dövlət çevrilişinə cəhd edib. Həmin vaxt 250 dinc sakin həlak olmuş, 2000-dən artıq insan yaralanmışdı. Ankara bu baş verənlərdə Amerikada yaşayan Fətullah Gülən və onun FETO təşkilatını ittiham edir.