İngiltərədə yaşayan Bəhreynli müxalif fəallar 14 fevral inqilabının ilöndümü ərəfəsində inqilab məhbuslarının fotolarını lazerlə Londonda Bəhreyn rejiminin səfirliyinin binası üzərində yayımıayıb.
Maide.Az “bahrainalyoum” saytına istinadən xəbər verir ki, ötən gecə lazerlə yayımlanan fotolarda həbsdə olan inqilab rəhbərlərinin şəkili ilə yanaşı, müxalif fəallar Bəhreyndə Ali Xəlifə rejiminin törətdiyi edamlara etiraz edib.
Fotolarda Bəhreyn şiələrinin xalq və inqilab hərakatına sadiq qaldıqları vurğulanıb və Ayətullah İsa Qasimin ev dustaqlığında saxlanılmasına və Ali Xəlifə rejimin qadınları həbs etməsinə etiraz edilib.
Fəallar Ali Xəlifə rejiminin axıtdığı qanların yerdə qalmayacağını, inqilabın hədəfinə çatana qədər etirazlarını davam etdirəcəklərini bildiriblər.
Ötən gün 14 fevral inqilabının ildönümü münasibətilə Londonda foto sərgisi də təşkil olunub.
Qeyd edək ki, 14 fevral Bəhreyn xalqının Ali-Xəlifə rejiminə qarşı keçirdiyi etiraz aksiyalarının başlanğıc il dönümüdür. Bəhreyn inqilabının başlanğıc tarixi olaraq qəbul edilən 14 fevral yaxınlaşdıqca xalqın etirazları və dinc aksiyaları izdihamlı və qərarlı şəkildə davam edir.
14 fevralla əlaqədar Bəhreyndə iş yerlərinin və alış-veriş mərkəzlərinin bağlanması da gözlənilir.