Əllərində plakatlar tutmuş və şüarlar verən hərbçi qadınlar dünən Amerika müdafiə nazirliyi qarşısına toplaşaraq, hərbçilər arasındakı cinsi təcavüzü pisləyiblər.

Pentaqon-nun rəsmi statistikaları ötən beş ildə ABŞ ordusunda iyirmi min zorlama halından söz açır.

Pentaqon-un son zamanlar yaydığı hesabata əsasən, zorlanmaya məruz qalanların böyük bir hissəsi bu haqda məlumat verməkdən çəkinir. Buna görə, əsl rəqəmlər qeyd olunandan qat-qat yuxarı olmalıdır.

Pentaqon-un 2017-ci il üzrə hesabatına əsasən, Amerika hərbçiləri arasında ən çox cinsi zorlama halları bu ölkənin Virciniya ştatındakı Norfolk dəniz bazasında və Birləşmiş Ştatların Cənubi Koreyada yerləşən hərbi bazasında baş veribdir.