Çin xəbər agentliyinin verdiyi məlumata görə, şənbə günü Çinin sahil sularında Panamaya məxsus "Sançi" adlı bir neft tankeri ilə Honq Konqa məxsus bir yük gəmisi toqquşublar. Hadisə nəticəsində 30-u iranlı olmaqla 32 nəfər itkin düşüb. 

Bu 32 nəfərin tapılması üçün xilasetmə əməliyyatı davam edir. Dəniz polisinin bir neçə qayığı, 2 xilasetmə qayığı və 3 ixtisaslaşdırılmış yardım gəmisi xilasetmə əməliyyatına cəlb edilib. 

Çinin Nəqliyyat Nazirliyi tərəfindən verilən məlumata görə, iki gəminin toqquşması nəticəsində güclü yanğın çıxıb.