Trampın Qüds qərarına dünya ictimaiyyətinin reaksiyası
Posted on : Digər sahələr 12/07/2017
Etiraz edən ölkələr: Azərbaycan, İran,Türkiyə, Livan, Misir, Almaniya, Fransa və ...
ABŞ prezidenti Donald Trampın Qüds qərarından sonra bir neçə dünya dövləti və BMT-nin baş katibi məsələyə münasibətini bildirib.
Madie.Az həmin münasibətləri oxuculara təqdim edir:
Azərbaycan XİN: Azərbaycan İsrail-Fələstin münaqişəsinin sülh yolu ilə həllini dəstəkləyir.
Fələstin prezidenti Mahmud Abbas: Trampın Qüds qərarı ABŞ-ın sülh vasitəçiliyi rolundan imtina etməsinə bərabərdir. Fransa prezidenti Emmanuel Makron: Donald Trampın qərarına təəssüf edirik. Bu qərarı dəstəkləmirik.
Türkiyə prezidenti Rəcəb Tayyib Ərdoğan: Qərarı qınayırıq və tanımırıq!
Türkiyə XİN başçısı Mövlud Çavuşoğlu: Trampın qərarı beynəlxalq qanunlara və BMT qətnamələrinə ziddir.
BMT-nin Baş katibi Antonio Guterres: İkidövlətli həll yoluna alternativ yoxdur. B planı yoxdur. İsrail və Fələstin liderlərinin tutarlı danışıqlara qayıtması üçün əlimdən gələni edəcəyəm.
Livan Baş naziri Səid Həriri: Livan bu qərarı qınayır və rədd edir. Biz bu haqqın Fələstin xalqına məxsus olduğunu hesab edirik.
Misir: ABŞ-ın Qüdsü İsrailin paytaxtı elan etməsini qəbul etmirik.
İran ABŞ-ın qəbul etdiyi qərarı kəskin pisləyib və bildirib ki, bu qərar BMT-nin qərarlarının açıq-aşkar pozulmasıdır. Müsəlmanların ilk qibləsi Məscid-Əqsanın yerləşdiyi Qüds şəhəri Fələstinin ayrılmaz parçasıdır və müsəlmanlar üçün xüsusi özəlliyə malikdir. İran İslam Respublikası Fələstin xalqı ilə həmrəy olduğunu bildirərək, bir daha beynəlxalq ictimaiyyəti, xüsusilə BMT-nin Fələstinin və Qüdsün işğalına son qoymaq üçün, eləcədə Fələstin xalqının əsaslı hüquqlarının təmini məsuliyyətini dərk etməyə çağırır.
Suriya: Qüdsün gələcəyini bir dövlət və ya bir prezident değil, öz tarixi bəlli edə bilər.
İraq: Qərarı rədd edirik və tanımırıq.
Harvard universitetinin professoru, ABŞ-ın sabiq diplomatı Nicholas Burns: Tram böyük imtiyaz verdi və heç bir şey almadı. Bu imtiyazı verməyə ehtiyac yox idi. Bu qərar ABŞ-ın etibarını sarsıltdı və müsəlmanların hislərini alovlandırdı.
Qatar kralı Trampla telefon danışığında: Bu qərar region üçün mənfi nəticələr gətirəcək.
İslami Cihad Hərəkatının baş katibinin müavini: Trampın qərarı müharibə çağrısı deməkdir. Bu gün Fələstin və İslami müqəddəslərin əleyhinə olan aşkar təcavüz qarşısında mübarizə üçün vəhdət günüdür.
İsmail Haniya: Fələstin xalqı Trampın qərarına təslim olmayacaq. Fələstinlilər bu addımın qarşısında qlobal intifadaya başlayacaq.
Roma papası Fransisk Qüdsdəki mövcud durumun qorunub saxlanılmasını istəyib.
Aİ-nin xarici siyasət rəhbəri Federica Mogherini : Avropa İttifaqı ABŞ-ın Qüdslə bağlı qərarından və onun sülh prosesinə mənfi təsirinə görə ciddi narahatdır.
Əl-Əzhərin Şeyxi: ABŞ prezidenti Qüdsü işğalçı İsrailin paytaxtı kimi tanımaqla 1 milyard yarım müsəlmanın hisslərini görməzdən gəldi.
İngiltərənin baş naziri Tereza Mey: ABŞ-ın öz səfirliyini Qüdsə köçürmə qərarına qarşıyıq. Bu addım regionda sülhün gələcəyi üçün faydası yoxdur.
Almaniya kansleri Angela Merkel: ABŞ-ın Qüdslə bağlı qərarını dəstəkləmirik. Qüdsün durumu müzakirələr yolu ilə həll olunmalıdır.
Fransalı deputat Andre Villiers: "Trampın Yerusəlimlə bağlı qərarı sülh naminə atılan addımları təhlükə altına qoyur"
Səudiyyə Ərəbistanı Trampın qərarını "anlaşılmaz, məsuliyyətsiz və əsassız" adlandırıb.
Livan Hizbullah hərəkatının baş katibi Seyid Həsən Nəsrullah bu məsələ ilə bağlı bu gün axşam çıxış edəcək.
