Onun bu qərarına müsəlman ölkələrindən əlavə bir sıra nüfuzlu qeyri-müslman ölkələri, müxtəlif dünya təşkilatları reaksiyalar verib. İslaminSesi.info RİA-ya istinadla qeyri-müsəlman ölkələrinin Trampın Qüds qərarına verdikləri reaksiyaları təqdim edir.

Fransa

"Bu qərar təəssüf doğurur, beynəlxalq hüququn və BMT-nin qətnamələrinin pozulmasıdır, Fransa onunla (qərarla) razılaşmır", - deyə Fransa prezdenti Emmanuel Makron Əlcəzairdə mətbuat konfransında bildirib.

Almaniya

"Kansler Angela Merkel Trampın Qüdslə bağlı açıqlaması barədə: Federal hökumət bu mövqeyi dəstəkləmir, çünki Qüdsün statusu iki dövlətin müzakirəsi çərçivəsində həll edilməlidir", - deyə çərşənbə günü AFR nazirlər kabinetinin rəsmi nümayəndəsi Şteffen Zaybert bəyan edib.

"Qüdsün statusu regional iştirakçılarla müəyyən edilməlidir. Bu qərar öncədən təyin oluna bilinməz. Bizim mövqeyimiz dəyişməz olaraq qalır. Biz "iki dövlətli" həllin lehinəyik", - deyə Almaniya Federativ Respublikasının XİN başçısı Qabriel Ziqmar "Twitter" sosial şəbəkəsindəki rəsmi səhifəsində yazıb.

Böyük Britaniya

"Biz, ABŞ-ın öz səfirliyini Qüdsə köçürmək və Qüdsü İsrail paytaxtı kimi tanımaq qərarı ilə (Qüdsün-red.) statusu haqqında yekun sazişin imzalanmasınadək razı deyilik. Biz hesab edirik ki, bu qərar bölgədə sülh yolu ilə həll baxımından xeyirə getmir. İsraildəki Britaniya səfirliyi Təl-Əvivdə yerləşir və bizim onu köçürmək barədə planımız yoxdur", - deyə Böyük Britaniyanın baş naziri Tereza Meyin bəyanatında deyilir.

"Biz BMT TŞ-nin qətnamələrinə uyğun olaraq, hesab edirik ki, Şərqi Qüds işğal olunmuş Fələstin ərazilərinin bir hissəsidir", - deyə baş nazir qeyd edib.

"Biz indi ABŞ administrasiyasını Fələstin-İsrail münaqişəsinin nizamlanması üzrə ətraflı təkliflər ilə çıxış etməyə çağırırıq. Sülh prosesi uğur qazanmaq şanslarını maksimum dərəcədə təmin etmək üçün zorakılıq olmayan şəraitdə aparılmalıdır. Biz tərəfləri əmin-amanlığı təmin etmək üçün birgə işləməyə çağırırıq".

Rusiya

"Biz elə İsrailin bir hissəsi olan Qərbi Qüdsü tanımışıq, Şərqi Qüdsü Fələstin həmişə öz paytaxtı hesab edirdi. Qüdsün ABŞ tərəfindən bütünlüklə İsrailin paytaxtı kimi tanınması Ağ Evin Təl-Əvivə münasibətdə əvvəlki siyasətini dəyişmək və ölkələr arasındaki münasibətləri bərpa etmək istəyindən irəli gəlir, lakin bu addım regionda gərginliyi yalnız artıracaq", - deyə çərşənbə günü Rusiyanın Federasiya Şurasının beynəlxalq komitəsinin rəhbərinin birinci müavini Vladimir Cabarov bildirib. 

O, əvvəlki ABŞ prezidenti Barak Obamanın İsraillə olan bütün münasibətləri praktiki olaraq tərs çevirdiyini xatırladıb.

"ABŞ prezidenti Donald Tramp göstərmək istəyir ki, bu məsələdə amerikanın siyasəti dəyişib", - deyə senator vurğulayıb.

Avropa İttifaqı

"Avropa İttifaqı ABŞ prezidenti Donald Тrampın Qüdslə bağlı bugünkü elanı və onun sülh perspektivləri barəsində gətirib çıxara biləcəklərindən ciddi narahatlığını bildirir", - deyə Aİ diplomatiyasının başçısı Federika Moqerini bildirib. Onun sözlərinə görə, "Aİ-nin mövqeyi dəyişməzdir".