İrandan vəhabi şahzadənin təhqirinə cavab: Diktatorların aqibətlərini unutma!
Posted on : iran 11/25/2017
İran XİN rəsmisi Səud şahzadəsinin təhqirinə cavab verib.
İslamazeri.com-un "Eastnews.org"-a verdiyi xəbərə əsasən, "The New York Times" qəzetinə verdiyi müsahibədə İranın ali dini lideri Ayətullah Xameneini "Yaxın Şərqin Hitleri" adlandıran Səudiyyə Ərəbistanı vəliəhdi şahzadə Məhəmməd ibn Salmana İrandan cavab gecikməyib.
İran Xarici İşlər Nazirliyinin mətbuat katibi Bəhram Qasımi bu haqda İran dövlət televiziyasına verdiyi müsahibədə, "Dünyada və beynəlxalq arenada kimsə o yetkinlik həddinə çatmayan və zəif düşüncəli insana etimad bəsləmir. Məhəmməd ibn Salman regiondakı məşhur diktatorların izi ilə getməyi seçdi. O, həmin diktatorların taleyinin necə olduğu barədə düşünməlidir" , - deyə söyləyərək, Səudiyyə vəliəhdinin sözlərinin əhəmiyyətsiz olduğunu diqqətə çatdırıb.