ABŞ-ın dəstəklədiyi "Suriya Demokratik Qüvvələri"nin iştirakı ilə Rəqqa şəhərindən çıxarılan İŞİD-in 20 yüksəkçinli terrorçusu Misirə aparılıb. Birləşmiş Ştatların Suriyanın Rəqqa şəhərindən qaçırdığı 20 komandir Misirin Şarm uş-Şeyx şəhərindəki hotelə yerləşdirilib. 

FaktXəbər-in "Takvim" qəzetinə istinadən verdiyi məlumata görə, Pentaqondan ayrılmış xüsusi təyinatlıların dəstəyi ilə Suriyadan çıxarılan 20 komandir ailələri ilə birgə Misirə gətirilib. Onlar Şarm uş-Şeyxə daxil olarkən üzləri qırxılı, müasir geyimdə olublar. İŞİD komandirlərinə fərqli adlarda olan pasportlar da təqdim edilib. Terrorçular 2 müxtəlif 5 ulduzlu hoteldə 6 gün qalıblar.