Amerika “National İnterest” jurnalı öz təhlilində İranın Ərəbistandan 5 hərbi üstünlüyünü açıqlayıb.
Jurnal yazıb ki, bu iki ölkə arasında toqquşma baş verəcəyi surətdə İran yiyələndiyi asimetrik modellərdən diqqətlə istifadə etməklə, Ərəbistanın hərbi texnologiya və silahla təchiz olunmuş ordusu ilə qarşılaşa bilər. 

SEPAH-ın Qüds qüvvələri
İslam İnqilabı Keşikçiləri Korpusunun Qüds qüvvələri öz-özlüyündə silah olmasa da, İranın Ərəbistana qarşı istifadə edə biləcəyi ən təsirli silah hesab olunur. Sayı 15000 olan bu qüvvələr Amerikanın İraqı işğal etdiyi və bu ölkədə uzun müddət qaldığı bir vaxtda Amerika hərbçiləri üçün həyatı cəhənnəmə çevirdilər.

Balistik raketlər
İran hal-hazırda maye yanacaqla hərəkət edən və 1000 mile (1609 km) məsafədə yerləşən hədəfi məhv etmə qabiliyyəti olan İmad raketlərinə sahibdir. Habelə, İranın “Şahab” tipli uzaq mənzilli raketləri vardır. “Siccil” ballistik raketi də 2000 km mənzildə hədəfləri vurmağa imkan verir. Bərk yanacaqla çalışan, ikipilləli mühərrikə sahib “Siccil” İran istehsalı olan ballistik raketlərin üçüncü nəsli hesab olunur. Bu raket “Şahab-3”lərdən daha uzun mənzilə malikdir.

Sürətli hərbi qayıqlar
Ərəbistanın iqtisadiyyatı neft ixracatından asılı olduğu üçün İran Hörmüz boğazını Ərəbistanın üzünə bağlaya, yaxud bu ölkənin gəmilərinin Fars körfəzində gediş-gəlişinə maneçilik yarada bilər.
SEPAH-ın dəniz qüvvələri silahlarla təchiz edilmiş sürətli qayıqlara sahibdir və hər zaman Ərəbistanın gəmiçilik və liman təsisatlarına hücum edə bilərlər. 

Qadir sualtı qayığı
İran, Ərəbistanın gəmiçilik və liman təsisatlarına hücum etmək üçün “Qədir” tipli sualtı qayıqlardan istifadə edə bilər. Bu qayıqlar Fars körfəzinin dayaz sularında əməliyyat keçirmək üçün hazırlanıb.
Qadir qayıqları SEPAH-ın dəniz qüvvələrindən ibarət dəstələri Ərəbistanın daxilində xüsusi əməliyyat aparmaq üçün də istifadə oluna bilər.
Habelə, İran dəniz minalarını məhv etmək üçün Əjdər raketləri atan sürətli qayıqlardan da istifadə edə bilər.
Jurnal bildirib ki, İranın sualtı qayıqları barədə çox məlumata malik deyil.

Sumar kruz raketləri
İranın “Sumar” adlanan uzaq mənzilli kruz raketlərinin yeni nəslini hazırlaması güman edilir. Bu raketlər hədəfi 2500 km-də vurmağa qadirdir. Rusiyanın “XA-55” raketinə bənzəyir. Bu raketlərin Rusiyanın “XA-55” kruz raketi əsasında olması mümkündür, lakin iranlılar onun üzərində əks-mühəndislik işləri aparıblar.