İslamazeri.com İran mediasına istinadən xəbər verir ki, İranın ən yeni inkişaf etmiş radarı "Afaq" müdafiə naziri general Əmir Xatəminin iştirak etdiyi mərasimlə ilk dəfə təqdim edilib.

Mərasimdə çıxış edən Xatəmi "Afaq" radarının iranlı mütəxəssislərin səyləri nəticəsində istehsal edildiyini bildirib.

General "Afaq"ın sahillərdə 200 km dərinliklərə qədər hər cür dəniz nəqliyyat vasitəsini müəyyən etmə qabiliyyətinə malik olduğunu, radarın həmçinin uçan obyektləri də "ovlama" xüsusiyyətindən istifadə etdiyini qeyd edib.

Nazir həmçinin "Afaq" radarının mobil və elektron müharibə kimi xüsusiyyətlərdən də istifadə etdiyini və sinxron olaraq 100 üzən hədəfi təyin edərək izləyə bildiyini vurğulayıb.