Ərdoğan onu "faşist diktator" adlandıran deputatı məhkəməyə verib
Posted on : Türkiyə 10/31/2017
CHP partiyasının mətbuat katibi Bülent Tezcan Türkiyə Prezidentini sərt tənqid edib.
Türkiyə Prezidenti Rəcəb Tayyib Ərdoğan müxalif partiya üzvünü məhkəməyə verib.
İslamazeri.com "Reuters"-ə istinadla xəbər verir ki, bu barədə Ərdoğanın vəkili Hüseyn Aydın öz "Twitter" səhifəsində məlumat yayıb. Məlumata görə, Türkiyənin aparıcı müxalifət partiyası olan Cümhuriyyətçi Xalq Partiyasının (CHP) mətbuat katibi Bülent Tezcan Türkiyə dövlət başçısını kəskin tənqid edib və onu "faşist diktator" adlandırıb.
"Prezidenti təhqir etdiyinə görə Bülent Tezcanın cinayət məsuliyyətinə cəlb edilməsi üçün Ankaranın Baş prokurorluğu ilə birgə hüquqi prosedura başlamışıq", - deyə vəkil H.Aydın bildirib.
Bildirək ki, CHP deputatı Tekirdağ merinin Ərdoğanı diktator adlandırması ilə bağlı şübhələri cavablandırarkən bunları deyib: "Bilmirəm, bizim merimiz belə bir ifadəni işlədib, ya yox. Ancaq mən burada, Tekirdağda deyirəm: Ərdoğan bir faşist diktatorudur!"