Polis: 7 min mokib və xidmət qrupu Ərbəin zəvvarlarına xidmət göstərəcək
Posted on :
Aşura
10/25/2017
Ərbəin zəvvarlarına xidmət göstərmək üçün 7 min mokib və xidmət qrupu Kərbəla şəhər polisində qeydiyyatdan keçib.
Maide.Az “iraqakhbar.com”-a istinadən xəbər verir ki, bunu Kərbəla əyalətinin Baş Polis İdarəsi elan edib.
Məlumata görə, zəvvarlara xidmət göstərəcək mokib və xidmət qrupları Kərbəla əyaləti üzrə polis və təhlükəsizlik qüvvələrinin hazırladığı xüsusi təlimatları yerinə yetirməli və təhlükəsizliyin təmini üçün təhlükəsizlik qüvvələri ilə əməkdaşlıq etməlidir.
Təlimatlarda zəvvarların təhlükəsizliyini təmin etmək məqsədilə təhlükəsizlik qüvvələrinin verdiyi göstərişləri yerinə yetirmək, şübhəli hallar gördükdə dərhal təhlükəsizlik qüvvələrini məlumatlandırmağın zəruriliyi vurğulanıb.
Həmçinin mokib və xidmətçi qruplardan təlimatlarda istənilib ki, əhalinin toplaşdığı məkanlarda, küçələrdə gediş-gəliş üçün şərait yaratsınlar, təmizliyə riayət etsinlər, namaz vaxtında insanların namaz qılması üçün şərait yaratsınlar.