ABŞ-ın keçmiş xarici işlər naziri Con Kerri Səudiyyə Ərəbistanı, Misir və İsrailin Vaşinqtondan İrana hücum etməsini istədiklərini ifşa edib.

İslamazeri.com Dünya mediasına istinadən xəbər verir ki, ABŞ Prezidenti Donald Trampın İranın nüvə sazişinə sadiq qaldığını təsdiq etməməsini dəyərləndirən Kerri iranlı həmkarı Məhəmməd Cavad Zəriflə nüvə razılığına gəlmək üçün danışıqlar masasına oturanda, İranın iki ay ərzində nüvə silahı istehsal edə biləcək tutuma malik olduğunu bildirib.

Con Kerri o günlərdə başda Misir Prezidenti Mübarək, Ərəbistan kralı Abdullah və İsrail Baş naziri Netanyahu olmaqla bir çox liderlə görüşündə Amerikadan İrana hücum etməsini istədiklərini, Prezident Obamanın da bu istiqamətdə çox xüsusi məktub aldığını ifadə edib.